اهلا باعضو الجميل الرائع ميدو مانشيستر

اهلا بك ميدو في كرسي الاعتراف

ممكنش تعرفنا بطاقت تعريفك كاملة

حبيب قلبي [ندعوك للتسجيل في المنتدى أو التعريف بنفسك لمعاينة هذه الصورة] يا احمد يامانشيسبر [ندعوك للتسجيل في المنتدى أو التعريف بنفسك لمعاينة هذه الصورة] انت وقعت؟

وقع بس لسه معرفش وبعدين يامانشيستر نريد سؤالك انت فين

شكله اتخطف يا كوتش

ابتدى انا ولا اما تدخل رد عليا انت بس

اولا بعتذر لانقطاعي فترة طويلة عن المنتدي وسعيد جدا لانضمامي معكم في كرسي الاعتراف وبشكر كابتن اسلام عبدالواجد
بسم الله نبدا
س/ ممكن تعرفنا بطاقت تعريفك كاملة؟
الاسم احمد سمير جاد سلامة
السن 19 سنة
المهنة طالب بكلية تجارة جامعة بنها الفرقة الثانية
مكان الميلاد بنها شارع النجدي
مكان الاقامة طحلة بنها قليوبية
والدي يعمل رئيس قسم للتعليم الثانوي بمديرية التربية والتعليم واستاذ دكتور بالهيئة القومية لضمان جودة التعليم والاعتماد قبل الجامعي

مشكووووور يارجالة ولو اي حاجة ناقصة ياريت تسألوها لي او توضحوها وانا اقولها لكم
مشكور

ازيك يا احمد انت عارف انك حبيبى بس انت فاهم مش هرحمك
اولا احب اسألك طولك دة جاى منين انت حد عندكم طويل كدة
ثانيا انت حبيت قبل كدة وهل الحب دة لسة موجود
انتظر المذيد

اهلا بك احمد
في كرسي الاعتراف
ممكن تعرفنا ايه هي طموحلتك واحلامك في الحياه (اهدافك )ممكن
ممكن تعرفنا انت بتحب ايه وبتكره ايه
مين هم اعز اصدقائك
ايه رايك في منتدي طحله وكيف اتعرفت عليه
ايه رايك في قرية طحله

تقبل مروري
تحياتي

ايه يابو حميد هي الاسئله صعبه ولا انت فين

[ندعوك للتسجيل في المنتدى أو التعريف بنفسك لمعاينة هذه الصورة]أهلا بيك يأحمد باشا فى كرسى الاعتراف كنت مستنى اليوم دة علشان تاجب على أسئلتى

نــبدأ

. ماذا ستكتب لنا لتعبر عن حياتك التي عشتها الى الان في كلمات قليله ؟

. اذا اردت ان تبكي الان , فعلى من تبكي؟

من ستختار ليمسح دموعك ؟

لو خيروك بين حبيبك وبين اعز صديق فمن تختار ؟

.ماهو تقييمك لهذا المنتدى بصراحه ؟

.من يسكن قلبك؟

.هل تعتقد ان حظك سيئ؟

.هل هزمك حزنك في يوما من الايام؟

.((مستحيل انساك)) لمن تقولها ؟

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

.(( انت كل شيء بحياتي )) لمن تقولها ؟

متى اخر مره بكيت؟

اي الدول تتمنى ان تزورها ؟

هل لديك الجرأه ان تقول عمرك أمامنا ؟

هل انت راضي عن نفسك ؟

.هل تؤيد الزواج العاطفي ام الزواج التقليدي ؟ ولماذا ؟

.ايهما اهم شهادتك الجامعيه أم الزواج ممن تحب ؟

.هل تعترف بشيء اسمه الصداقه بين الرجل والمرأة ؟

.هل انت مدمن تفكير؟

.من هو اكثر شخص تفكر فيه؟

.اذا تم تعيينك ملكا لجميع البلاد العربيه فما اول قرار ستتخذه ؟

.هل تكره شخص بشده في حياتك ؟

.ما هو اقتراحك الذي تتمنى ان يحدث في هذا المنتدى ولم يحدث الى الان ؟

.هل ملابس الشخص امامك تؤثر فيك لتأخذ عنه انطباع ؟؟

.ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

.حكمة تؤمن بها جدا؟؟

.عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

.ماذا تفعل اول شيءتفعلة اذا ربحت مليون ؟

.هل انت من لديهم رغبة حب التملك واذا تملك الشيء اصابه الملل منه ؟

.اعتذار تريد ان تقدمه

اسف لو كنت طولت عليك

[ندعوك للتسجيل في المنتدى أو التعريف بنفسك لمعاينة هذه الصورة]

موجود بس معلش انا بقعد علي المنتدي وعلي النت كل فين وفين انا موجود متخفوش مش هجري هههههههههه
اولا محمد كمال بشكرة حبيبي طبعا والاسئلة
اولا احب اسألك طولك دة جاى منين انت حد عندكم طويل كدة
انا اولا واخد طول اخوالي لان مفيش حد في عيلتنا طويل اوي كدة وبعدين انت بتتريق ولا اية؟

ثانيا انت حبيت قبل كدة وهل الحب دة لسة موجود
ايوة حبيت والحمد لله لسة الحب دة موجود وادعوا ربنا يديم المعروف والمحبة
شكرا محمد كمال

بالنسبة لدكتور امين

ممكن تعرفنا ايه هي طموحلتك واحلامك في الحياه (اهدافك )ممكن
انا طموحي ان شاء الله اني اخلص كليتي وبتقدير عالي بإذن الله وربنا يقدرني واسعد والدي ووالدتي والاقي الشغل المناسب وأهم حاجة فوق كل دة اني ربنا يبقي راضي عني

ممكن تعرفنا انت بتحب ايه وبتكره ايه
انا بحب الخير للناس جميعا واحب اساعد الناس واخليهم سعداء محبش حد يكون زعلان مني ابدا وكلة كوم وخيانة الصديق كوم تاني خاالص دة اللي بكرهوا كرة العمي واكرة النفاق ان حد ينافق الثاني بالكلام

مين هم اعز اصدقائك
انا ليا 4 اصدقاء بعزهم جدا وبعتبرهم زي اخواتي تمام
1/ محمد عبدالباري بحيري
2/محمد يوسف سليمان
3/شادي اسماعيل امام
4/شريف سعيد

ايه رايك في منتدي طحله وكيف اتعرفت عليه
بصراحة المنتدي ماشاء الله في تقدم كبير دة بفضل الاعضاء المجتهدين والفضل يرجع بعد ربنا سبحانة وتعالي للكابتن اسلام لانة بذل مجهود كبير فية وربنا يقدرني ويقدركم ونخلية احلي منتدي ان شاء الله
واللي عرفني علي المنتدي كابتن اسلام وبصراحة في الاول اشتركت وبدات اشارك بمواضيع وردرد والحمد لله زي مانتم شايفين
المنتدي زي الفل

ايه رايك في قرية طحلة
بصراحة البلد كل يوم عن التاني تزداد سوء مبقاش حد يسيب التاني في حالة الناس بقيت تاكل في بعضها زي السمك وقلة الادب بقيت منتشرة ومشروع الزبالة اللي قالوا هينضفوا البلد نضفوها بس للاسف قلة التعليم وقلة الفطانة لدي الناس بقيت معدومة
وبصراحة البنات بقيت عينيهم مفتحة اوي لان الناس غيبت عقلها وبعدوا عن ربنا ومبقاش فية رقابة من الاباء والامهات
ندعي ربنا يهدي شباب وبنات المسلمين
لازم نفوق قبل فوات الاوان

شكرا دكتور امين

بالنسبة لاستاذ محمد عبدالواجد
ماذا ستكتب لنا لتعبر عن حياتك التي عشتها الى الان في كلمات قليله ؟
حب تسامح صدق

. اذا اردت ان تبكي الان , فعلى من تبكي؟
ابكي علي حال المسلمين وشبابهم اللي مضيعين اوقاتهم في كلام فارغ بدون استفادة وعلي حال العرب والاقصي وندعوا الله ان يحررهم وابكي علي حالي واحاول جاهد ا تحسين وضعي مع الله اكتر من كدة لاني انا مش راضي اللي انا فية

من ستختار ليمسح دموعك ؟
محدش يمسح دموعي الا إيدي فهي قريبة مني دون اي حد

لو خيروك بين حبيبك وبين اعز صديق فمن تختار ؟
اختار صحبي وبكل شجاعة لان الصديق ابقي ليك وبيبقي معايا وقت الشدة والازمات

.ماهو تقييمك لهذا المنتدى بصراحه ؟
بصراحة يحتاج لتعديلات لية ياجماعة اللي بيدخل مش بيقول الحقيقة لية كلة بيجامل في كلامة لية بنزعل من بعض علي طول وعلي اقل سبب وعلي فكرة انك تبقي متفاعل في المنتدي مش بإنك تنزل اكبر عدد من المواضيع او تبقي صاحب مشاركات كتير وجة الاستفادة ان الموضوع اللي احد الاعضاء ينزلة كلة يقراة ويستفيد منة ونحاول نطبقة في حياتنا العملية انما اللي يدخل الموضوع بيلقي نظرة علية وبيكتب مشكور يبقي اية اللي انت عملتة لا منك قريتة ولا منك استفدت منة لازم نفوق اكتر من كدة ولازم كلة يحب اخوة التاني
.من يسكن قلبك؟
ربنا سبحانة وتعالي ومحبة والدي ووالدتي ثم حبيبي

.هل تعتقد ان حظك سيئ؟
مش في كل الاحوال
.هل هزمك حزنك في يوما من الايام؟
الحمد لله مهزمنيش حزن لحد دلوقتي الا مرة واحدة لما زعلت مع حبيبي

.((مستحيل انساك)) لمن تقولها ؟
اقولها لإتنين من زمايلي رحمهم الله واسكنهم فسيح جناتة
1/محسن ابوجبل
2/ احمد سمير عبدالقادر

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟
اقولها لحاجتين اقصد بيها ان اللي عدي منبصش لية نبص للمستقبل وحياتك وعلاقتك بربنا ونحاول ان احنا نكون علاقتنا بربنا كويسة والله يغفر الذنوب جميعا وثاني حاجة صديق بعني وغدر بيا وفاتني دة ميستهلش اني افكر فية للحظة

.(( انت كل شيء بحياتي )) لمن تقولها ؟
اقولها وبنية صافية لحبيبتي وبدعي ربنا يحفظها ويحفظ بنات المسلمين
متى اخر مره بكيت؟
لما اصدقائي ماتوا احمد ومحسن

اي الدول تتمنى ان تزورها ؟
انجلترا نفسي اسافرها زي والدي من كتر ما بيحكي لي عنها وانا نفسي اروحها
هل لديك الجرأه ان تقول عمرك أمامنا ؟
انا 19 سنة
هل انت راضي عن نفسك ؟
الحمد لله وبحاول احسن من نفسي كتير

.هل تؤيد الزواج العاطفي ام الزواج التقليدي ؟ ولماذا ؟
اكيد الزواج العاطفي لان كل طرف بيعرف الاخر وبعرف هو بيحب اية وبيكرة اية وبيبقوا متفاهمين وكل واحد عارف كل حاجة عن الاخر وبالتالي لما يتجوزوا يبقوا عارفين بعضهم كويس بعكس الحال في الجواز التقليدي لما تروح تجوز واحدة انت لا تعرفها ولا تعرفك تبدا مشاكل وخلافات لانكم معرفتوش بعض كويس

.ايهما اهم شهادتك الجامعيه أم الزواج ممن تحب ؟
شهادتي الجامعية لانها هي اللي هتوصلني للعمل وبالتالي هتوصلني لاني اتقدم للي بحبها واطلب ايديها طالما شغال محاسب واما اجي اتقدم ربنا يقدم اللي فية الخير واتقبل

.هل تعترف بشيء اسمه الصداقه بين الرجل والمرأة ؟
اكيد اعترف بيها لان احنا في عصر العولمة والتكنولوجيا يعني دلوقتي مفيش فرق بين الرجل والمراة واما تكون العلاقة بين الرجل والمراة صداقةاحسن اما تكون علاقة غير شريفة بينهم

.هل انت مدمن تفكير؟
اكيد بفكر في كل خطوة بعملها هل دي صح ولا غلط ولو عملتها اية النتائج اللي ممكن اتعرض ليها هل ايجابية ولا سلبية؟

.من هو اكثر شخص تفكر فيه؟
افكر ازاي ارضي والدي ووالدتي واسعدهم وارد جميلهم اللي فوق راسي

.اذا تم تعيينك ملكا لجميع البلاد العربيه فما اول قرار ستتخذه ؟
العدل بين جميع الناس
العدل اساس الملك
.هل تكره شخص بشده في حياتك ؟
الحمد لله عمري ماكرهت حد لاني الناس كلها واحب اساعدهم طول ما
الواحد فية صحة والحمد لله متستخسرهاش في الغير
.ما هو اقتراحك الذي تتمنى ان يحدث في هذا المنتدى ولم يحدث الى الان ؟
ان كل واحد متخفي وراء قناع شكل لية متبقوش صراح ونبقي كلنا هنا ايد واحدة
.هل ملابس الشخص امامك تؤثر فيك لتأخذ عنه انطباع ؟؟
لا طبعا انا ليا بالشخصية الانسان اللي قدامي
فية مثل بيقولك اية
تعرف فولان اة اعرفة عشيرتة لا يبقي متعرفهوش
يبقي الانسان ميحكمش علي اللي قدامة بالظاهر الا لما يعاشرة
.ماالذي يلفت انتباهك بسرعه في الشخص لكي تعجب به ؟
دينة اولا ثم الاخلاق وبعدين مسألة الجمال دي مقدور عليها لان الجمال مش كل حاجة
اذا احببت شخصا في الوقت الخطأ وفي المكان الخطأ فماذا تفعل ؟؟
ارجوا التوضيح لاني مش فاهم السؤال؟
.حكمة تؤمن بها جدا؟؟

من جد وجد ومن زرع حصد
اكثر الناس كدبا من يكر الحديث عن نفسة
لكلمة الصادقة كالشمس الدافئة في الاجواء الباردة

.ماذا تفعل اول شيءتفعلة اذا ربحت مليون ؟
اول حاجة اطلع والدي ووالدتي حج وبناء مشروع خيري او حتي اني اساهم فية بمبلغ
.هل انت من لديهم رغبة حب التملك واذا تملك الشيء اصابه الملل منه ؟
الحمد لله مش بحب التملك
الرضا بما اقتسمة الله لك
كل واحد بياخد قسمتة نصيبة
اعتذار تريد ان تقدمه
بصراحة للانسانة العزيزة عليا لاني اخر مرة قسيت عليها جامد بس قسيت عليها علشان اعلمها حاجة في دنيتها ومتسبش كل حاجة للظروف
عاده تفعلها دائما تتمنى ان تتركها ؟
التدخين

ماهو اجمل اسم لولد واجمل اسم لبنت من وجهة نظرك؟
اسم الولد محمد علي اسم خير المرسلين صلي الله علية وسلم
اما البنت احلي اسم جني
لانها مذكورة في القراءان وجني الجنتين دان

شكرا استاذ محمد علي اسألتك الجميلة واتمني المزيد وبعتذر لتأخير الرد لاني مبقتش اقعد علي النت كتير زي الاول مذكرة بقي
شكرا

.....

ها فين الاسئلة ياردالة
سؤالك فين ياساد بيرد

اولا مشكور من القلب ا / محمد علي الاسئله الهايله
ثانيا اشكر ميدو علي الاجابات القويه اشكركم من القلب

ميدو من هو الانسان الذي كنت صديقه الاقرب من اي فرد وفجاءة باعك ماذا تقول له الان
وهل انت راض عنه فيما فعله
وهل هو الان في طريق صحيح

منتظر ردك ميدو ممكن متقولش اسمه بس تاجب علي باقي الاسئله

شكرا والف شكرا حماده علي الرد
تحياتي
وتقبل مروري

ميدو حبيبى اريد منك ان توجة كلمة الى حبيبتك
ثانيا احب ان توجة كلمة اليا
احب ان توجة كلمة الى اعضاء المنتدى

من هو الانسان الذي كنت صديقه الاقرب من اي فرد وفجاءة باعك ماذا تقول له الان الحمد لله لم اتعرض لموقف مع ارب اصدقائي ولكن
انا بالفعل تعرضت لخيانة زميل دراسة ولم يكن قريب مني لحد ما عندما خيرتة بيني وبين من يحب فاختارها رغم انني قدمت النصيحة بأن هذة الانسانة غير مناسبة لة ولم تكن محترمة لما قلتلة زعل مني وفضلها عليا وباعني
وهل انت راض عنه فيما فعله
بالطبع غير راضي عما فعلة ولكن نحمد لله وندعوا لة بالهدي

وهل هو الان في طريق صحيح
الله اعلم لانني قاطعت علاقتي بة
شكرا كابتن اسلام ومنتظر باقي اسئلتك

توجة كلمة الى حبيبتك
والله لو كنتي تدري ما يفعل بي غيابك ما غيبت ياأغلي الناس عن عيني ياااااااااا

ثانيا احب ان توجة كلمة اليا
الله يوفقك ويرعاك ويسدد خطاك وخطي المسلمين دة احسن كلمة اقدر اهديها لك
احب ان توجة كلمة الى اعضاء المنتدى
اللهم اجعل حبك احب الاشياء الينا فلا يبقي في قلوبنا مكانا لسواك احبكم في الله وادام الله الحب والخير والوفاء بيننا
وفقكم الله ورعاكم وسدد خطاكم وربنا ما يجيب زعل
ههههههههههههههههه

شكرا يامحمد علي اسئلتك
وانا سعيد جدا باني انضميت لمنتدي طحلة وكرسي الاعتراف

هايل ميدو مانشيستر

رائع

وبكده انا عرفت مين هو واحب اقولك انت فعلت الصواب والحمد لله

الحمد لله ياكابتن احنا عايشين في الدنيا دي علشان نتعلم منها والعلام مش ببلاش والحمد لله علي كل شيء

اية يارجاااااااااااااااالة فين الاسئلة بقي انتو كدة بقي بتزعلوني

احمد ممكن نعرف منك ايه رايك في العيشه داخل مصر ام خارج مصر

هل مستوي المعيشه في مصر يرديك ان تعيش فيها ام في دول عربيه او اي دول اخري

وهل تريد السفر للخارج ام تريد بناء مستقبلك من هنا من مصر

انت لما جيت تكلم ايه بتاع الحرس الوطنى ورفضت تكلمك كان شكلك ايه قدام زمايلك؟؟؟

ممكن نعرف منك ايه رايك في العيشه داخل مصر ام خارج مصر
بصراحة العيشة خارج مصر افضل لان المواطن المصري مطحون ومهضوم حقة وياريت حتة مرتبة يكفية دة الغرب الاجانب واخدين حقهم في بلدنا اكثر مننا وبعدين هنا في مصر السلطة بتفرض رايها والرئيس عمال يقول فية ديمقراطية فين الديمقراطية دي احنا بلد الدكتاتورية والانفراد بالحكم اما بالنسبة للبلاد الاجنبية خارج مصر العيشة فيها مستوي راقي عن كدة بكتير كلة بيساعد التاني المواطن يقدر يشتكي الحكومة يقدر يشتكي الوزير علشان يجيب حقة لو انظلم وفية مساواة وعدل وفية احترام راي وديمقراطية عالية ولابعد درجة انما في مصر اللي يقول الكلمة الصح يبقي ارهابي

هل مستوي المعيشه في مصر يرديك ان تعيش فيها ام في دول عربيه او اي دول اخري
انا بصراحة مستوي المعيشة في مصر ميردنيش ولا يرضي اي شاب مصري لان اولا اللي هيخلص كليتة مش هيلاقي وظيفة وحتي لو لقي يبقي بكام 150 جنية هيكفية اية ولا اية؟ مستوي المعيشة في مصر مهدور وبصراحة في النازل وانا بصراحة انا نفسي من وانا صغير اخلص كليتي وبامر الله اسافر ووالدي واعدني بكدة لاني مهما قعدت 100 سنة في مصر مش هقدر اعمل حاجة ليا ولا حتي ان شاء الله لاولادي بأمر افضل اني اعيش في مستوي معيشي في دول اوروبية هو اي نعم يعني زي مابيقولوا مش هتلاقي حضن دافي يضمك زي بلدك كل دة شعارات ملهاش ريحة المعني الناس من كتر الخنقة من المعيشة اللي هيا فيها بقيت مخنوقة دا جدا والتحكم زاد اوي في الناس من قبل السلطة الناس من كثرة الخنقة عليهم بقوا بني آدمين منتهية الصلاحية لو بصينا عليهم مش هنلاقيهم بني آدمين عادية هنلاقيهم منتهيين الصلاحية وكل الناس دي بتحارب علشان لقمة العيش ربنا يعين الناس كلها

وهل تريد السفر للخارج ام تريد بناء مستقبلك من هنا من مصر
طبعا اريد السفر في الخارج لان الناس هنا مهضوم حقها ومفيش عدل هنا في مصر اللي بيطول التاني بيكلة ومهما قعدت في بلدك مش هتقدر تعمل لنفسك حاجة ولو بعد 100 سنة بامر الله اخلص كليتي واخد القورصات والدورات المناسبة ووالدي واعدني بالسفر وانا في دماغي السفر اساسا
شكرا كابتن اسلام

انت لما جيت تكلم ايه بتاع الحرس الوطنى ورفضت تكلمك كان شكلك ايه قدام زمايلك؟؟؟
اولا بشكرك علي مشاركتك لكن اعرف انت مين وبتتكلم عن اية بالظبط
اية بتاع الحرس مين اولا مليش اصحاب في الكلية اسمهم اية؟
ونصيحة مني متحولش انك تتدخل في اللي ملكش فية؟ سواء معايا او مع غيري
شكرا لمشاركتك

اشكرك يا احمد على الرد الجميل على سؤالى .ههههههههههههه

بجد هايل وكم انت رائع في الرد ميدو علي اسئلتي وايضا اسئله الاخ بتاع العيون ده وعلي فكرة يعتبر دا اخر انظار ليه عن اسلوبه في الحوار والتداخلات اللي ملهوش فيها واما يحب يتكلم عن اس عضو في الحاجات دي يكون بينه وبينه وانا علي ماظن انه متغاظ قوي منك ياحمد لكن في النهايه انت افحمته

شكرا لك

ردك جميل يأحمد

شكرا ليك ياكابتن اسلام وانا تحت امرك وبشكر استاذ محمد عبدالواجد
واحنا بنتعلم منك ياباشا انت قدوة لينا كلنا

بجد الاستاذ ه سر العيون دي كلامها مش مهذب وعلي العموم الكابتن عمل الصح شكرا كابتن

بااااااااااااااااااك ليك يامان!!!

تفتكر ايه جواك ممكن يتغير بإرادتك؟؟وهل تستطيع؟؟وفى من حولك ايضاً؟؟
ايه اكتر شئ حسسك بالملل في منتدانا؟؟
ايه اكتر موضوع ماثر فيك ؟؟
مع من كان اول سوء تفاهم؟؟
اذكر خمسه اعضاء مفضلين لك في المنتدى؟؟
لمن تقول له انا اسف؟؟ وعلي اي شئ تقولها؟؟

لو إسمك (ماجد) وطلعت
طيّار، هتفضل مستحمل قد ايه الناس وهيا بتندهلك (كابتن ماجد)؟
معلش جيتلك انا متأخر يامان

تفتكر ايه جواك ممكن يتغير بإرادتك؟؟وهل تستطيع؟؟وفى من حولك ايضاً؟؟
حاجات كتير أوي ممكن تتغير بإرادتك لان لولا الارادة الانسان ملوش لازمة ولا قيمة القوة والإرادة ليست حظ أو محض صدفة كما يقولون
وكما يقول الشاعر
بقدر الكد تكسب المعالى ومن طلب العلا سهرالليالي
إذا كانت غايتك الوصول إلى النجوم
وأهدافك عالية
وطموحك لا يثبطه شئ
فسوف ستصل إلى ما تريد تحقيقه
ومهما قابلتك العقبات والمشكلات فستجد فيها فرصة للتحدى وللوصول إلى ما تريدة كل هذا الكلام ليس من باب الإفراط في التفاؤل ولكن هو واقع كثير من الناس تخطت المحن والصعاب طول مافية ارادة كل حاجة تقدر تغيرها يعني التدخير لو عندك ارادة قوية هتبطلها ومفيش حاجة اسها مستحيل يبقي انت اللي مش عايز تبطلها علي كدة نعم استطيع ان افعل ذلك بمشيئة الله تعالي

ايه اكتر شئ حسسك بالملل في منتدانا؟؟
ان كل عضو في حالة واللي يقول الحق ناس كتير تقلب علية زي ما حصل معايا علشان الواحد ماشي بما يرضي الله ناس كتير اوي بتخبط فية وبييجي رسايل كتير ليا علي الايميل تهزيق واللي يقولي متعملش نفسك فهلوي واللي يقولي خليك في حالك مش لازم تظهر نفسك اوي في المنتدي دة تسمية اية؟ ياجماااااااااااعة اذا كان دخولي المنتدي هيضايق حد او يسبب زعل من حد يبقي بلاش الدخول ليا من اساسة لان صراحة انا مش عارف فية اية؟
ايه اكتر موضوع ماثر فيك ؟؟
هو موضوعان بصراحة اول موضوع قصة الام التي ارضعت صغيرها وهي ميتة للاستاذ محمد عبدالواجد وبصراحة بحيية علي الموضوع الجميل دة
والموضوع الثاني تخيل يوم القيامة بالصور دة اللي انا نزلتة
مع من كان اول سوء تفاهم؟؟
مع زميل ليا بدون داعي لذكر اسمة
اذكر خمسه اعضاء مفضلين لك في المنتدى؟؟
الكابتن اسلام طبعا اخ وصديق عزيز 2/ الاستاذ ايمن النجار ربنا يجيبة بالسلامة 3/ الاستاذ النحلاوي 4/ الاستاذ محمد عبدالواجد 5/والدكتور امين عادل
لمن تقول له انا اسف؟؟ وعلي اي شئ تقولها؟؟
اقولها لابويا وامي اقولها اذا صدر مني شيء زعلهم مني لازم طبعا اعتذر لهم واقبل يديهم وبدعي ربنا يخليهم ليا وليحرمنيش منهم ابدا
شكرا ميشو علي اسئلتك بس بالنسبة للسؤال بتاع ماجد دة انا مش فاهم اية؟ المطلوب بالظبط ياإما تغيرة او تفهمني معناة

شكرا ميشو وسعيد جدا بلقاءك

hmed da mogarrad soaal tarfihy fe elnhaya

shokran 3la rododk bas mosh mehtaga da kollo menk we tannesh l aay soaal

kharegy men ay had

we enta mnwarna fe motadana tahla el 3asl

thanksssssss for your answers

ana taht amrak yagameel we tahte amr kol 3odw fe el montadah
shokram mesho

السلام عليكم

shokran 3la radak ya manshister

وعليكم السلام عيون النسر
نورت المنتدي ياجميل ومنتظرين ابداعاتك
شكرا ميشوووووووو منورني دايما ياجميل

هااااااااااااااااااااااااااااااااااااااااايل يا ميدو

كنت رائع ياميدو
يارب نشوفك محاسب أد الدنيا

استاذ نحلاوي والله منور الموضوع ومتشكر لمرورك الجميل
وحضرتك قدوة لينا في كل حاجة وربنا يديم المعروف

بامانه استاذ

اهلا باعضو الجميل الرائع ميدو مانشيستر

مستقبلك يتحدد علي قدر أمنياتك ومدي قدرتك علي تحقيق ما عجزت عن تحقيقه في الماضي