الدكتور جمال حجاج ؟؟؟؟؟؟؟؟؟؟؟؟

هذا الاسم سوف يظل هو رمز الشرف والامانة والخدمات احب ان اعرفكم من هو الدكتور جمال حجاج لكل من لا يعرفة او يعرف عنة القليل الدكتور جمال حجاج رجل الخدمات ويشهد بذلك الكثير وعشان الكل يعرف المعلومة دى وفى ناس كتير بتشكك فيها هو الذى سعى وراء الصرف الصحى لطحلة وبالاوراق والمستندات ولو حبين اجبلكم الدليل على كدة اجيبة سيببك من اللى يقلك خطة دولة هى فعلا خطة دولة بس بس مين اللى جرى وراها وقدمها على قرى كتير ثانيا اللى بيروح التأمين الصحى بيعمل معاة الواجب واكتر ودة مش معايا بس دة مع ناس كتير جدا واسالو كذلك العلاج على نفقة الدولة واحد هيقولى دة اى حد يعملها بسهولة هقولة هو بيوفر عليك الوقت وبيعملهالك وانت قدامك طوابير كتير وغير ذلك فهو بحق االاحق بمجلس الشعب احسن من الناس اللى زى البراشوت اللى منعرفهمش ومنعرفش جيين منين اقولها بكل صراحة الله معك يا جمال وربنا يوفقك وانا ومن يحبونك معك باصواتنا وقلوبنا واللى مش عجبة يخبط دماغة فى الحيطة
اسف للاطالة ولكن اقولة ولا اخشى فى الحق لومة لائم

عزيزي محمد كمال انت اخترت الدكتور جمال صح ودا حقك بس مش من حقك انك تفرضه علي الاعضاء

ثانيا كان فين الدكتور جمال لما الانتخبات انتهت المرة اللي فاتت ونجح الاستاذ محسن

عامة انا لااؤيد هذا ولا ذاك ولكن الموضوع مصروح للمناقشه وليس لفرض اي عضو علي الاخر

وبخصوص الدكتور جمال انتظر رد الاعضاء وتفاعل معهم بدلا من ان تفرض رئيك عليهم

اسف للاطاله وتقبل مروري

انا لم افرض رأييى على احد لكل عضو فى المنتدى رأية الخاص بة انا بس حبيت ان اقول كلمة شكر لرجل افتقدناة كثير وانت يا كابتن بتقول هو كان فين فى الفترة مابين نجاح النائب محسن راضى صاحب الخدمات الجليلة وانت فاهمنى طبعا والاعضاء فهمين مر بالدكتور جمال ما لا يطيقة بشر فعلا اولا ازمة صحية كادت ان توودى بحياتة ثانيا موت اخوة الذى كان فى مقام ابوة وهذة صدمة اخرى كثرة الشائعات عنة وهو بحق لا يستحق ذلك وانا يا دوك لا افرض رأييى على احد وادعو جميع الاعضاء للنقاش فى هذا الموضوع

ما ينفعشى تطرح موضوع للمناقشه واختيار الأصل وبعد كده تفرض رأيك....نعم انت بتفرض رأيك

ما ينفعشى أنك تقول واللى مش عاجبه يضرب دماغه فى الحيطه

ما ينفعشى نشاركك موضوع وانت من بدايته بتهين اللى بيشارك

إذا أردت ان تطرح موضوع فلا تفرض رأيك واطرح الموضوع للمناقشه وإلا ما سبب طرحك للموضوع

ماينفعش انك تفرض رايك
حبيبي محمد سيب الموضوع متاح للجميع وكل واحد يختار حسب وجهة نظره
لك تحياتي
تقبل مروري

غلي فكرة ياستاذ محمد انا اعرف مرشح واعرف عنة كل حاجة ولكن لم اتكلم لاني لا احد طلب مني معلومة عن المرشح دة ولكن عندما يتطلب مني ذلك اعرض كل شئ عنة
بغض النظر اللي عملوة الدكتور دي واجب علي اي نائب
ملحوظة هذا الكلام في ان لااحد هاجم الكتور ولكن يفهم بعض الناس انا تسيس للخدمة
وشكرا

سؤال \ لماذا لم يتم تنفيذ التأمين الصحي حتي الان مع ان التنفيذكان لمل نائب وبد عدم نجاحة وقف التنفيذ
هل دة عقاب لابناء بنها

وشكرا

علي فكرة يا محمد مينفعش كده سيب كل واحد يقول رايه ويختار اللي هو عاوزة
انا معاك ان الدكتور جمال حجاج خدم ناس كتير ورمز للأمانه
بس مينفعش تفرض رايك علي اي حد وكل واحد يختار اللي هو عاوزة
تحياتى ليك
تقبل مروري

الاعضاء الاعزاء يظهر انكو فهمتزنى غلط عندما عرضت الدكتور جمال فى موضوع فهذا من باب الحب لهذا الرجل واما من حيث فرض الرأى فأنا لم افرض رأيى وعندما قلت كلمة اللى مش عجبة يخبط دماغة فى الحيطة فأنا وجهت تلك الكلمة لمن يكرهون هذا الرجل واما للاستاذ عماد فمشكلة التأمين الصحى كل الناس اتكلمت فيها مش الدكتور جمال لوحدة لو تعرف انى كنت مع المحافظ انا والاستاذ امين عادل وهو موجود فى المنتدى لو عايز تسألة والموضوع انطرح على وكيل الوزارة ولكن لم يتم الاستجابة كذلك تم عرض الموضوع فى مجاس الشعب لو حضرتك بتشاهدة ولكن كان السبب بيقولو الميزانية فهذا تسال عنة الدولة وليس الكتور جمال اشكرك ميشو على رايك فى الكتور جمال ارجو ان تكون وجهة نظرى قد وضحت فى هذا الموضوع واى استفسار انا موجود فى المنتدى اشكر جميع الاعضاء على المشاركة

أنا شايفه إنك مفرضتش رأيك ع حد
بس عبرت عن سبب إختيارك وده من حقك
ومش شايفه إن فى أى فرض رأى
بس يؤخذ عليك
إللى مش عاجبه يخبط دماغه ف الحيطه
مكنش لها أى لزمه

انا بينت وجهة نظرى فى هذة الكلمة واسف لو الناس فهمتها غلط

الكبير برده لازم كل الناس تعاتبه ولازم يستحمل كل الناس
وما تنساش ان الشجره المثمره دائما ما تلقى بالحجاره
وشكرا جزيلا على ردك الجميل

وبرده

اللى انا عايزه هنتخبه

هههههههههههههههه يا باشا انت حبيبى واشكرك على زوقك وياباشا انا عارف انك هتنتخب الاصلح

(استمرارا لمسيره العطاء والانجازات) الدكتور جمال حجاج هو خير من يمثلنا لمجلس الشعب رمزا للاصلاح والصلاح

(فيارب ولي من يصلح)

طبعا ماد الكتور جمال خير من يمثلنا

احبابي واهلي واخواني

اعتقد ان لي فكرة او تعليق علي موضوع الدكتور جمال او الانتخابات

الاستاذ او اللواء محمد مع احترامي للحميع كان يقصد بالتحديد الدكتور جمال بغض النظر عن الجميع واهان بالفعل الجميع بكلمة اللي مش عاجبه يغبط دماغه في الحيطه ودا علي اساسا ان الكلام يدل علي مايريد

وارجو منه ومن الاستاذ الجديد الاستاذ مادو ان يردو علي العضو عماد في سؤاله اللي في الاعلي

والله يا دوك انت عجيب طب منا رديت على الاستاذ عماد فوق ورديت بردة على الكلمة اللى حضرتك ذكرتها يظهر انك لم تقرأ الردود مشكووووووووووووووووور على مساهمتك

تمام

التوفيق من عند الله

زائر

ربنا يولى من يصلح

التوفيق من عند الله

السيد الدكتور لايصلح عارف ليه يامحمد ياجمال لانه اذى ناس كتير من بلدك على شان كانوا ضده فى الدوره اللى نجح فيها وممكن اقولهملك باالاسم اما عن خدماته فى المستشفى دا واجبه انت ناسى انه دكتور
دا انت لو ليك عامل هناك هيجرى معاك

لا أدرى سبب كرهك الشديد للدكتور جمال حجاج جايز دة بسبب تأييدك الشديد للمستشار عبد العال طلبة من حقك تأيد هذا وليس من حقك أن تسب ذاك
ثم إسمح لى ولا تغضب من كتابتى لك كيف عينت أنت مشرف عام على جميع مرشحى مجلس الشعب بالمنتدى وبأى حق رآه مدير المنتدى ؟؟
كيف تم تعيينك وولاءك الشديد للمستشار عبد العال طلبة
المفروض تكون محايد لا مع هذا ولا مع ذاك ما دمت عينت مشرفاً عاما
ثم ماذا فعل الدكتور جمال حجاج فى أبناء بلدنا ؟ هل أتى ألية مريض يستحق العلاج بالتأمين الصحى ورفض دخولة أو حتى علاجة هل التأمين الصحى عزبة تدار ؟

ليس من حق أى شخص ولا حتى وزير الصحة نفسة منع دخول مريض سواء للعلاج أو لإجراء أى عملية داخل التامين الصحى
مادامت هذة العملية تسير فى طرقها الشرعية والتى لا يضار منها أى فرد
هل تقدم إلية شخص أياً كان ووقف جمال حجاج على باب التأمين وقال هذا كان معى فى الإنتخابات فأدخلوة وهذا لم يكن معى فأخرجوة
هل ينظر جمال حجاج يومياً فى دفاتر الإستقبال ويسمح بمرور هذا ويمنع مرور ذاك ؟
الأفضل أن تقول أنة ذهب إلية أشخاص وأنا أعرفهم مثلك تماماً ولا داعى لذكر أسماؤهم هنا وطلبو منه مطالب فى التأمين الصحى لو نفذها
لكان بعد لحظة محال للتحقيق بتهمة الإضرار بالمال العام لأن التأمين الصحى ليس ملكاً شخصياً له يديرة كيف يشاء
من الآخر كدة أحد الأشخاص من بلدنا تم تجنيدة للذهاب إلية علشان يصرف مبالغ مالية لعملية قام بها هذا الشخص بأحد المستشفيات الخاصة
والمطلوب من جمال حجاج أن يصرف تكاليف العملية من خزينة التأمين الصحى مع العلم أن هذا الشخص يملك من المال الكثير والكثير
والكل بالبلد يعرفة بل والمصيبة أن هذا الشخص لا يملك أساساً تأمين صحى
والمطلوب من الدكتور جمال حجاج أن يخدم هذا الشخص ويصرف له ثمن تكاليف عملية القلب هذة ( آلاف طبعاً ) وتخيلو معى إن تم عمل ذلك ماذا سيفعل المتربصين بالدكتور جمال حجاج
سيصطادون لة فى الماء العكر وسيحال للمحاكمة بل وسيعزل من منصبة
هل كان المفروض على الدكتور جمال أن يخدم هذا الشخص وأمثالة ؟؟؟؟؟
هل المفروض على جمال حجاج أن يضحى بسمعتة ونزاهتة ومهنتة من أجل خدمة أناس لهم مطالب غير شرعية وليست من حقهم
فإن كانت من حقهم لكان غصباً على الدكتور جمال أو أى شخص فى الدولة أن يلبيها له
وغير ذلك من المطالب المستحيلة علية وإتحدى إن جاء شخص وقال لى أننى كنت أستحق العلاج من التأمين الصحى ورفض جمال حجاج مطلبى الشرعى هذا لأنة وفى هذة الحالة سيحال للتحقيق بسبب الإهمال والتقصير
فى حق مواطن كفل له القانون حق شرعى
ولما تم رفض الدكتور جمال لذلك قامت الدنيا لأن الفخ المنصوب له لم ينجح ( ويمكرون ويمكر الله والله خير الماكرين )
وقيل على الدكتور جمال من الإشاعات ما يكفى لملء مجلدات كلها إشاعات باطله وكاذبة والحمد لله
سمعتة للآن لم يمسها أحد ولم يناله الحاقدون المتربصون بة
الإخوة الأعضاء الكرام لنكن موضوعيين ونحكم عقولنا فى كل ما كتب وقيل عن الدكتور جمال حجاج
الأستاذ عصام قابيل دعك من التنكيل بجمال حجاج والسب والقذف فى حقة وإبحث عن شخص آخر أنت تعرفة جيداً هو الأحق بكتاباتك
لن أطلب منك أن تحب جمال حجاج
بل أطلب منك أن تراجع نفسك وتحكم ضميرك
ولا تغضب من كتابتى لك
فنحن فى النهاية إخوة فى الإسلام
وفى النهاية ليكن ما يكون فالله هو الهادى والمدبر والقائل للشيء كن فيكون

السيد ابو عاليه اولا

حمدلله علي السلامه

ثانيا

الاستاذ عصام كتب انه مشرف ولكن انت رايت هذا والاستاذ عصام كتب رايه ومنتظر ان يرد عليه احد وها انت وضحت الامور فليعينك الله علي الحق وليعين الجميع ايضا

شكرا ابو عاليه

وبالتوفيق للدكتور جمال حجاج

الدكتور جمال حجاج ؟؟؟؟؟؟؟؟؟؟؟؟

مستقبلك يتحدد علي قدر أمنياتك ومدي قدرتك علي تحقيق ما عجزت عن تحقيقه في الماضي